Philips Evnia 27M2N6801M gaming monitoru təqdim edilib

     Philips şirkəti öz yeni gaming monitorunu təqdim edib. Şirkətin yeni gaming monitoru Philips Evnia 27M2N6801M adlanır. Beləliklə bu yeni monitor iki rejimdə çalışması ilə seçilir. Birinci rejim çərçivəsində onun ekranı 160 Hz-lik təsvir yenilənməsi ilə 4K görüntü keyfiyyətini, ikinci rejim çərçivəsində isə 320 Hz-lik təsvir yenilənməsi ilə Full HD görüntü keyfiyyətini təmin edir. Monitorun özü 27 düym ölçülü IPS ekranla təchiz olunub. Ekranın maksimal parlaqlıq səviyyəsi 1650 nit, istifadəçi əməliyyatlarına reaksiya müddəti isə 0.5 millisaniyə təşkil edir. Ekran sRGB rəng diapazonunun 99.9%-ni, DCI-P3 rəng diapazonunun isə 98%-ni əhatə edir. Monitor özündə Adaptive Sync texnologiyasının dəstəyini birləşdirir. Monitor DisplayPort 1.4, HDMI 2.1, USB Type-C, USB Type-B, USB Type-A Gen 1 girişlərini və naqilli qulaqlıqlar üçün nəzərdə tutulmuş 3.5 mm-lik audiogirişi əldə edib. Philips Evnia 27M2N6801M-in nə zaman və hansı qiymətə satışa çıxacağı açıqlanmayıb.