
Philips Evnia 32M2N8900 gaming monitoru təqdim edilib
Philips şirkəti özünün Evnia adlı gaming monitor seriyasının yeni modelini təqdim edib. Şirkətin yeni monitoru Philips Evnia 32M2N8900 adlanır. Beləliklə bu monitor 240 Hz-lik təsvir yenilənməsinə sahib 4K keyfiyyətli 32 düym ölçülü Samsung Gen 3 QD-OLED ekranla təchiz olunub. Ekranın maksimal parlaqlıq səviyyəsi 1000 nit, istifadəçi əməliyyatlarına reaksiya müddəti isə 0.03 millisaniyə təşkil edir. Ekran sRGB rəng diapazonunun 147.5%-ni, NTSC rəng diapazonunun 120%-ni, Adobe RGB rəng diapazonunun 118%-ni, DCI-P3 rəng diapazonunun isə 99%-ni əhatə edir. Monitor özündə HDMI 2.1, USB 3.2 Gen 1 Type-A, USB 3.2 Gen 1 Type-B, USB Type-C və DisplayPort 1.4 girişlərini birləşdirir. Philips Evnia 32M2N8900-ün nə zaman və hansı qiymətə satışa çıxacağı barəsində hələ məlumat verilməyib.

Paylaş