PlayStation 5 Pro-nun satış tarixi və qiyməti açıqlanıb
Cihazlar+
05.09.2024
Emil
Son zamanlarda ortaya çıxmış məlumatlara əsasən Sony şirkəti PlayStation 5 Pro oyun konsolunu artıq bu ayın sonunda təqdim edə bilər. İndi isə insayderlər PlayStation 5 Pro-nun nə zaman satışa çıxacağı və hansı qiymətə satılacağını açıqlayıblar. Beləliklə insayderlərin vermiş olduqları məlumata əsasən PlayStation 5 Pro-nun satışlarına 25-29 noyabr tarixlərində start veriləcək. Satış qiymətinə gəldikdə isə məlumata əsasən onun qiyməti 600-650$ təşkil edəcək. Məlumatda qeyd edilmiş tarixi nəzərə alsaq, güman etmək olar ki, Sony endirimli alış-veriş kampaniyası olan Black Friday-ə köklənib. Lakin bu o demək deyil ki, PlayStation 5 Pro endirimlə satılacaq. Ola bilsin ki, Sony sadəcə olaraq Black Friday zamanı potensial alıcı axınından istifadə edəcək.
Paylaş
Ən çox oxunanlar
Səudiyyə Ərəbistanının "The Line" layihəsi regiondakı iqlimi dəyişə bilər
