Reklam
POCO F4 və POCO X4 GT smartfonları təqdim olunub - QİYMƏTİ

POCO F4 və POCO X4 GT smartfonları təqdim olunub - QİYMƏTİ

Mobil Cihazlar
24.06.2022 PAYLAŞIM

    Xiaomi tərəfindən keçirilmiş rəsmi təqdimat çərçivəsində POCO brendi öz yeni smartfonlarını təqdim edib. Yeni smartfonlar siyahısına POCO F4 POCO X4 GT modelləri daxil olublar. İlk öncə POCO F4-dən başlayaq. Sözügedən smartfon Çində satışa çıxmış Redmi K40S modelinin qlobal versiyasıdır. POCO F4 smartfonu böyük ölçülü ekranı, güclü texniki özəllikləri və böyük həcmli batareyası ilə fərqlənir. Beləliklə POCO F4 modeli 120 Hz-lik təsvir yenilənməsinə sahib Full HD+ keyfiyyətli 6.67 düym AMOLED E4 ekran ilə təchiz olunub. Ekranın yuxarı mərkəz hissəsində ön kamera üçün nəzərdə tutulmuş kiçik dairəvi çıxıntı yerləşdirilib. Bundan əlavə olaraq ekran Gorilla Glass 5 qoruyucu şüşəsi ilə əhatə edilib. Barmaq izi skanı texnologiyası isə smartfonun yandırıb/söndürmə düyməsinə inteqrasiya edilib.


    POCO F4 həmçinin özündə Dolby Atmos dəstəkli stereo səsgücləndiriciləri və kontaktsız ödənişlər üçün nəzərdə tutulmuş NFC çipi birləşdirir. Əsas texniki göstəricilər baxımından smartfon 8 nüvəli Snapdragon 870 prosessoru, 6/8 GB RAM, 128/256 GB daxili yaddaş həcmi, 64 MP (f/1.79 diafraqma, optik stabilizasiya) + 8 MP (f/2.2 diafraqma, 119 dərəcə bucaq əhatəsi) + 2 MP (f/2.4 diafraqma) üçlü arxa kamera, 20 MP-lik ön kamera və 67 vatt gücündə sürətli şarj texnologiyalı 4500 mAh enerji tutumlu batareya ilə təchiz olunub. Smartfon MIUI 13 interfreysli Android 12 vasitəsilə çalışır. POCO F4 27 iyun tarixində satışa çıxacaq. 6 GB RAM-a və 128 GB yaddaşa sahib versiya 399 avroya, 8 GB RAM-a və 256 GB yaddaşa sahib versiya isə 449 avroya satılacaq.

    İndi isə keçək performanslı texniki özəlliklərə sahib POCO X4 GT smartfonuna. Bu smartfon sürətli şarj texnologiyasının dəstəyi və təkmilləşdirilmiş akustika sistemi ilə diqqət çəkir. POCO X4 GT smartfonu 144 Hz-lik təsvir yenilənməsinə sahib 2460x1080 piksel keyfiyyətli 6.6 düym IPS ekran ilə təchiz olunub. Ekranın yuxarı mərkəz hissəsində ön kamera üçün nəzərdə tutulmuş kiçik dairəvi çıxıntı yerləşdirilib. Bununla yanaşı ekran Gorilla Glass 5 qoruyucu şüşəsi ilə əhatə edilib. Barmaq izi skanı texnologiyası smartfonun yandırıb/söndürmə düyməsinə inteqrasiya edilib. POCO X4 GT həmçinin özündə Dolby Atmos dəstəkli stereo səsgücləndiriciləri və kontaktsız ödənişlər üçün nəzərdə tutulmuş NFC çipi birləşdirir.

    Əsas texniki göstəricilər baxımından smartfon 8 nüvəli MediaTek Dimensity 8100 prosessoru, 8 GB RAM, 128/256 GB daxili yaddaş həcmi, 64 MP (f/1.9 diafraqma) + 8 MP (f/2.4 diafraqma, 120 dərəcə bucaq əhatəsi) + 2 MP (f/2.4 diafraqma) üçlü arxa kamera, 20 MP-lik ön kamera və 67 vatt gücündə sürətli şarj texnologiyalı 5080 mAh enerji tutumlu batareya ilə təchiz olunub. Smartfon Android 12 vasitəsilə çalışır. POCO X4 GT də 27 iyun tarixində satışa çıxacaq. 128 GB yaddaşa sahib versiya 380 avroya, 256 GB yaddaşa sahib versiya isə 430 avroya satılacaq. Lakin smartfonun bu qiymətləri 7 iyul tarixinə kimi keçərlidir. 7 iyuldan sonra smartfonun satış qiymətlərinin necə olacağı bilinmir.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Nothing Phone (1)-in bəzi texniki özəllikləri Geekbench vasitəsilə təsdiqlənib..

Təqdimata hazırlaşan Nothing Phone (1) smartfonunun dizaynı və hətta çalışma prosesi daha öncədən sə..


iPhone 14 smartfonları bir dəfə şarj olunandan sonra əvvəlki iPhone-lardan daha ..

Çinin Baidu adlı sosial şəbəkəsində iPhone 14 smartfonlarının vacib özəlliklərindən birini əhatə edə..


6000 mAh batareyaya sahib büdcəli Galaxy F13 smartfonu təqdim olunub - QİYMƏTİ..

Samsung şirkəti Galaxy F13 adlı yeni büdcəli smartfonunu təqdim edib.


Nothing Phone (1)-in hərtərəfli dizaynı və unikal funksiyaları sərgilənib (VİDEO..

MKBHD adlı Youtube kanalının müəllifi məşhur blogger Marques Brownlee OnePlus şirkətinin keçmiş həmt..


Xiaomi 12 Ultra flaqman smartfonunun yeni real fotoları ortaya çıxıb

Twitter-də Xiaomi şirkətinin təqdimata hazırlaşan Xiaomi 12 Ultra flaqman smartfonunun yeni real fot..


iPhone 14 təkmilləşdirilmiş ön kameraya sahib olacaq

Məşhur analitik Ming-Chi Kuo-nun sözlərinə əsasən iPhone 14 seriyasında Apple təkcə smartfonların ar..

×