POCO F5 Pro-nun fotoları təqdim edilib

    Dünən rəsmi şəkildə məlum oldu ki, Xiaomi-nin POCO brendi POCO F5 smartfon seriyasını 9 may tarixində təqdim edəcək. Qeyd etmək lazımdır ki, sözügedən seriyaya POCO F5 və F5 Pro smartfonları daxil olacaqlar. İndi isə insayderlər POCO F5 Pro-nun fotolarını təqdim ediblər. Təqdim edilmiş fotolardan da görmək olar ki, POCO F5 Pro smartfonu Redmi K60 smartfonunun qlobal versiyası olacaq. Texniki göstəricilər baxımından POCO F5 Pro smartfonu 120 Hz-lik təsvir yenilənməsinə sahib 6.67 düym OLED ekran, Snapdragon 8+ Gen 1 prosessoru və 64 MP + 8 MP + 2 MP üçlü arxa kamera ilə təchiz olunmalıdır. Smartfonun 67 vatt gücündə sürətli şarj texnologiyasını dəstəkləyəcəyi gözlənilir.