main-post-cover

    POCO F5 Pro-nun texniki özəllikləri ortaya çıxıb

    Cihazlar+
    13.03.2023
    Farid Pardashunas
        Xiaomi-nin POCO brendi hal hazırda qlobal bazar üçün nəzərdə tutulmuş POCO F5 smartfon seriyası üzərində çalışır. Sözügedən smartfon seriyasına POCO F5 ilə yanaşı həmçinin F5 Pro modeli də daxil olacaq. İndi isə insayderlər məhz POCO F5 Pro-nun texniki göstəriciləri barəsində məlumatlar veriblər. Beləliklə insayderlərin vermiş olduqları məlumatlara əsasən POCO F5 Pro modeli 120 Hz-lik təsvir yenilənməsinə sahib 2K keyfiyyətli 6.67 düym OLED ekran ilə təchiz olunacaq.
        Məlumatda qeyd edilib ki, barmaq izi skanı texnologiyası birbaşa ekrana inteqrasiya ediləcək. Smartfon Snapdragon 8+ Gen 1 prosessoru vasitəsilə çalışacaq və özündə 8/12 GB RAM-ı, 256 GB daxili yaddaş həcmini və 67 vatt gücündə sürəli şarj texnologiyalı 5000 mAh enerji tutumlu batareyanı birləşdirəcək. Kameralara gəldikdə isə insaydelrər bildiriblər ki, POCO F5 Pro 64 MP + 8 MP + 2 MP üçlü arxa kameraya və 16 MP-lik ön kameraya sahib olacaq. Smartfon MIUI 14 interfeysli Android 13 vasitəsilə çalışmalıdır. POCO F5 smartfon seriyasının nə zaman təqdim ediləcəyi bilinmir.
    Linki kopyala

    Bənzər xəbərlər

    Oxşar xəbərlər