main-post-cover

    POCO F5 smartfonunun bəzi texniki özəllikləri ortaya çıxıb

    Cihazlar+
    07.03.2023
    Emil Nəcəfov
        Xiaomi-nin POCO brendi qlobal bazarda POCO F5 smartfon seriyasını təqdim etməyə hazırlaşır. Sözügedən smartfon seriyasına POCO F5 və F5 Pro modelləri daxil olacaqlar. Hər iki smartfon 5G şəbəkə dəstəyinə sahib olacaq. Təqdimata az müddət qalmış sözügedən smartfon seriyasının F5 modeli sertifikatlaşdırmadan keçib. Bunun sayəsində onun texniki özəllikləri məlum olub. Beləliklə sertifikatlaşdırma sənədinə əsasən POCO F5 smartfonu 8/12 GB RAM256/512 GB daxili yaddaşa sahib olacaq.
        Smartfon MIUI 14 interfeysli Android 13 əməliyyat sistemi vasitəsilə çalışacaq və özündə kontaktsız ödənişlər üçün nəzərdə tutulmuş NFC çip ilə iki SIM kart girişini birləşdirəcək. Daha əvvəlki məlumat sızıntılarında qeyd edilmişdi ki, POCO F5 smartfonu Redmi Note 12 Turbo-nun qlobal bazar üçün nəzərdə tutulmuş versiyası ola bilər. Buna görə də smartfonun 120 Hz-lik təsvir yenilənməsinə sahib 6.67 düym AMOLED ekran, Snapdragon 7 seriyasına daxil olan prosessor, 50 MP + 8 MP + 2 MP üçlü arxa kamera və 16 MP-lik ön kamera ilə təchiz olunacağı gözlənilir. POCO F5 smartfon seriyasının nə zaman təqdim olunacağı barəsində məlumat yoxdur. Lakin təqdimatın bu ilin birinci rübündə baş tutacağı güman edilir.
    Linki kopyala