POCO F6 və F6 Pro təqdim olunub - QİYMƏTİ
Cihazlar+
23.05.2024
Emil Nəcəfov
Xiaomi-nin POCO brendi qlobal bazarda POCO F6 smartfon seriyasını təqdim edib. Sözügedən seriyaya iki model daxil oldu. POCO F6 və POCO F6 Pro. Smartfonlar xarici görünüşcə və bəzi texniki göstəricilər üzrə bir-birilərindən fərqlənirlər. Hər iki smartfon yastı gövdəni əldə etsə də, onların arxa panelləri fərqli dizaynlara sahibdirlər. Adi POCO F6 modeli 120 Hz-lik təsvir yenilənməsinə sahib 1.5K keyfiyyətli 6.67 düym OLED ekranla təchiz olunub. Ekranın maksimal parlaqlıq səviyyəsi 2400 nit təşkil edir və o, Gorilla Glass Victus qoruyucu şüşəsi ilə əhatə olunub. POCO F6 Pro da eyni ekrana sahibdir. Lakin Pro modeldə ekran 2K keyfiyyətindədir və onun maksimal parlaqlıq səviyyəsi 4000 nit təşkil edir.
POCO F6:
Hər iki smartfonda barmaq izi skanı texnologiyası birbaşa ekrana inteqrasiya edilib. Adi POCO F6-nın gövdəsi IP64 standartı üzrə sudan qorunma özəlliyinə sahibdir. POCO F6 Pro-da isə bu cür özəllik yoxdur. Smartfonlar həmçinin özlərində stereo səsgücləndiriciləri də birləşdirirlər. POCO F6 modeli Snapdragon 8s Gen 3 prosessoru vasitəsilə çalışır və özündə 8/12 GB RAM ilə 256/512 GB daxili yaddaş həcmini birləşdirir. POCO F6 Pro-ya gəldikdə isə o, Snapdragon 8 Gen 2 prosessoru vasitəsilə çalışır və özündə 12/16 GB RAM ilə 256/512 GB/1 TB daxili yaddaş həcmini birləşdirir.
POCO F6 Pro:
Kameralar mövzusunda POCO F6 modeli 50 MP + 8 MP ikili arxa kameranı və 20 MP-lik ön kameranı, POCO F6 Pro isə 50 MP + 8 MP + 2 MP üçlü arxa kameranı və 16 MP-lik ön kameranı əldə edib. Hər iki smartfonda batareya həcmi eyni olsa da, dəstəklənən sürətli şarj texnologiyasının gücü fərqlidir. Belə ki, POCO F6 modeli 90 vatt gücündə, POCO F6 Pro modeli isə 120 vatt gücündə sürətli şarj texnologiyasını dəstəkləyir. Batareya həcmi isə smartfonlarda 5000 mAh təşkil edir. POCO F6 və F6 Pro artıq satışa çıxıblar. Onların satış qiymətləri aşağıdakı kimidir.
- 8 GB RAM-a və 256 GB yaddaşa sahib POCO F6 - 340$
- 12 GB RAM-a və 512 GB yaddaşa sahib POCO F6 - 380$
- 12 GB RAM-a və 256 GB yaddaşa sahib POCO F6 Pro - 450$
- 12 GB RAM-a və 512 GB yaddaşa sahib POCO F6 Pro - 500$
- 16 GB RAM-a və 1 TB yaddaşa sahib POCO F6 Pro - 580$.
Linki kopyala
Bənzər xəbərlər
Oxşar xəbərlər
Büdcəli Redmi A3x-in dizaynı sərgilənib və texniki imkanları təqdim edilib
Büdcəli Redmi A3x-in dizaynı sərgilənib və texniki imkanları təqdim edilib
İnsayderlər Xiaomi-nin Redmi brendi tərəfindən hazırlanan yeni büdcəli smartfonunun texniki imkanlarını əks etdirən fotonu təqdim ediblər. Söhbət, Redmi A3x-dən gedir.
Redmi 13-ün render fotoları və texniki imkanları təqdim edilib
Redmi 13-ün render fotoları və texniki imkanları təqdim edilib
Hələ bir neçə müddət bundan öncə məlumat ortaya çıxmışdı ki, Xiaomi-nin Redmi brendi Redmi 13 smartfonu üzərində çalışır. İndi isə 91mobiles saytı sözügedən yeni smartfonun render fotolarını təqdim edib və texniki imkanlarını açıqlayıb.
Xiaomi, Hindistanda yeni telefon markasını təqdim etmək üçün Apple-ın "Crush" reklamını təqlid edib!
Xiaomi, Hindistanda yeni telefon markasını təqdim etmək üçün Apple-ın "Crush" reklamını təqlid edib!
Xiaomi markası yeni smartfon modelini təqdim etmək üçün Apple-ın iPad Pro reklamına bənzər reklam videosunu yayımlayıb.
Redmi Pad Pro planşeti qlobal bazarda satışa çıxıb
Redmi Pad Pro planşeti qlobal bazarda satışa çıxıb
Xiaomi şirkətinin Redmi brendi aprel ayında Çində Redmi Pad Pro planşetini təqdim etmişdi. İndi isə məlum olub ki, sözügedən planşet qlobal bazarda (Avropa bazarında) satışa çıxıb.
POCO-nun ilk planşetinin təqdimatı anons edilib
POCO-nun ilk planşetinin təqdimatı anons edilib
Xiaomi-nin POCO brendi keçən həftə POCO F6 Pro smartfonunun təqdimatını anons etmişdi. Sözügedən smartfon 23 may tarixində təqdim olunacaq. İndi isə rəsmi şəkildə məlum olub ki, POCO brendi 23 may tarixində üstəlik öz ilk planşetini də təqdim edəcək.
Həftənin xəbərləri
