POCO F7 Pro və F7 Ultra flaqman smartfonları təqdim edilib - QİYMƏTİ

     Xiaomi-nin POCO brendi qlobal bazarda iki yeni flaqman smartfonunu təqdim edib. Söhbət, POCO F7 Pro və F7 Ultra modellərindən gedir. Bu smartfonlar xarici görünüşcə oxşar olsalar da bəzi texniki imkanlar baxımından bir-birindən fərqlənirlər. Beləliklə hər iki smartfon 120 Hz-lik təsvir yenilənməsinə sahib 3200x1440 piksel keyfiyyətli 6.67 düym ölçülü AMOLED ekranla təchiz olunub. Ekranın maksimal parlaqlıq səviyyəsi 3200 nit təşkil edir.

     Barmaq izi skanı texnologiyası da bu smartfonlarda birbaşa ekrana inteqrasiya edilib. Smartfonlarda gövdə IP68 standartı üzrə sudan qorunma özəlliyinə sahibdir. POCO F7 Pro modeli Snapdragon 8 Gen 3 prosessoru vasitəsilə çalışır və 12 GB RAM ilə 256/512 GB daxili yaddaş həcmini əldə edib. POCO F7 Ultra modeli isə Snapdragon 8 Elite prosessoru vasitəsilə çalışır və 12/16 GB RAM ilə 256/512 GB daxili yaddaş həcmini əldə edib.

     POCO F7 Pro modeli özündə 50 MP + 8 MP ikili arxa kamera ilə 20 MP-lik ön kameranı, POCO F7 Ultra modeli isə özündə 50 MP + 32 MP + 50 MP üçlü arxa kamera ilə 32 MP-lik ön kameranı birləşdirir. Batareyalar mövzusuna gəldikdə, POCO F7 Pro modeli 90 vatt gücündə sürətli şarj texnologiyalı 6000 mAh enerji tutumlu batareya ilə, POCO F7 Ultra modeli isə 120 vatt gücündə sürətli şarj texnologiyalı 5300 mAh enerji tutumlu batareya ilə təchiz olunub. POCO-nun bu yeni smartfonları artıq satışa çıxıblar. POCO F7 Pro-nun qiyməti 499$-dan, F7 Ultra-nın qiyməti isə 649$-dan start götürür.

Mənbə: Gadgets360

Bənzər xəbərlər

Cihazlar+

REDMI G27Q 240 Hz gaming monitoru təqdim edilib - QİYMƏTİ

Xiaomi-nin REDMI brendi öz yeni gaming monitorunu təqdim edib. Brendin yeni gaming monitoru REDMI G27Q 240 Hz adlanır.

Nəqliyyat

Xiaomi YU7 krossoverinin yeni rəsmi fotoları təqdim edilib

Xiaomi şirkətinin baş direktoru Lei Jun şirkətin yeni elektrik krossoveri olan Xiaomi YU7 modelini şəxsən ictimaiyyətə təqdim edib və sosial şəbəkələrdə bir sıra fotolar paylaşıb.

Nəqliyyat

Xiaomi keçən il Ford və General Motors-dan daha çox elektromobil satıb

Xiaomi 2024-cü ilin mart ayında öz ilk elektromobilini satışa çıxartdı. Lakin ilin yekununa əsasən, Ford və General Motors-dan daha çox elektrik nəqliyyat vasitəsi satıb. Amerikalı istehsalçılar Çin bazarında ciddi çətinliklərlə üzləşirlər, çünki elektromobillərə olan maraq sürətlə artır və satış liderləri yerli şirkətlər olaraq qalır.

Cihazlar+

POCO F7 Pro və F7 Ultra-nın render fotoları ortaya çıxıb

Xiaomi-nin POCO brendi yaxın zamanda POCO F7 smartfon seriyasını təqdim etməlidir. Bu seriyaya adi POCO F7 ilə yanaşı POCO F7 Pro və F7 Ultra modelləri də daxil olacaqlar.

Cihazlar+

REDMI Turbo 4 Pro-nun hansı gücdə sürətli şarj texnologiyasını dəstəkləyəcəyi məlum olub

Xiaomi-nin REDMI brendi yanvar ayının əvvəlində REDMI Turbo 4 smartfonunun təqdim etmişdi. İndi isə onun Pro versiyası təqdimata hazırlaşır.