POCO M6-nın təqdimatı anons edilib

     Xiaomi-nin POCO brendi özünün POCO M seriyasının yeni smartfonunun təqdimatını anons edib. Söhbət, POCO M6-dan gedir. POCO tərəfindən təqdim edilmiş posterə əsasən sözügedən yeni smartfon artıq 11 iyun tarixində təqdim ediləcək. Təqdim edilmiş posterdə POCO M6-nın xarici görünüşü, bəzi özəllikləri və satış qiymətləri əks olunublar. Beləliklə posterdəki məlumatlara əsasən POCO M6 smartfonu iki versiyada təqdim olunacaq. Birinci versiya 6 GB RAM-a və 128 GB daxili yaddaş həcminə, ikinci versiya isə 8 GB RAM-a və 256 GB daxili yaddaş həcminə sahib olacaq. Birinci versiya 129$-a, ikinci versiya isə 149$-a satılacaq. Üstəlik posterdə qeyd edilib ki, smartfon 108 MP-lik əsas arxa kameranı əldə edəcək və 33 vatt gücündə sürətli şarj texnologiyasının dəstəyinə sahib olacaq. Smartfon barəsində digər bir məlumat hələ yoxdur.