POCO M6 Pro 5G-nin satış qiymətləri ortaya çıxıb

    POCO M6 Pro 5G smartfonunun render fotolarının ardınca internetdə onun satış qiymətləri barəsində məlumat ortaya çıxıb. Qeyd etmək lazımdır ki, POCO brendi sözügedən smartfonu 5 avqust tarixində təqdim edəcək. Ortaya çıxmış məlumata əsasən smartfon 4/6 GB RAM-a və 64/128 GB daxili yaddaş həcminə sahib olacaq. Beləliklə məlumatda qeyd edilib ki, POCO M6 Pro 5G-nin 4 GB RAM-a və 64 GB yaddaşa sahib versiyası 180$-a, 4 GB RAM-a və 128 GB yaddaşa sahib versiyası 195$-a, 6 GB RAM-a və 128 GB yaddaşa sahib versiyası isə 205$-a satılacaq. Lakin nəzərə almaq lazımdır ki, təqdim edilmiş bu satış qiymətləri Hindistan bazarı üçün aktualdır. Smartfonun digər regionlardakı satış qiymətləri mütləq şəkildə fərqlənəcək.