POCO X4 Pro 5G və M4 Pro smartfonları təqdim olunub - QİYMƏTİ

POCO X4 Pro 5G və M4 Pro smartfonları təqdim olunub - QİYMƏTİ

Mobil Cihazlar
01.03.2022 PAYLAŞIM

    Xiaomi-nin POCO brendi MWC 2022 sərgisi çərçivəsində 2 yeni smartfonunu təqdim edib. Söhbət, POCO X4 Pro 5G POCO M4 Pro-dan gedir. X4 Pro 5G modeli 108 MP-lik əsas kamera, Snapdragon prosessor və 67 vatt gücündə sürətli şarj texnologiyasını əldə edib. M4 Pro isə POCO M seriyasının AMOLED ekran əldə etmiş ilk smartfon modelidir. POCO X4 Pro 5G modeli 120 Hz-lik təsvir yenilənməsinə sahib 2400x1080 piksel keyfiyyətli 6.67 düym AMOLED ekran ilə təchiz olunub. Ekranın yuxarı mərkəz hissəsində ön kamera üçün nəzərdə tutulmuş kiçik dairəvi çıxıntı yerləşdirilib. Barmaq izi skanı texnologiyası smartfonun yandırıb/söndürmə düyməsinə inteqrasiya edilib. POCO X3 Pro ilə müqayisədə yeni POCO X4 Pro 5G modeli daha nazikdir.


    Əsas texniki göstəricilərə gəldikdə isə smartfon 8 nüvəli Snapdragon 695 prosessoru, 6/8 GB RAM, 128/256 GB daxili yaddaş həcmi (microSD dəstəkli), 108 MP + 8 MP (118 dərəcə tutma bucağı) + 2 MP üçlü arxa kamera, 16 MP-lik ön kamera və 67 vatt gücündə sürətli şarj texnologiyalı 5000 mAh enerji tutumlu batareya ilə təchiz olunub. Smartfon həmçinin özündə stereo səsgücləndiriciləri, kontaktsız ödənişlər üçün nəzərdə tutulmuş NFC çipi və naqilli qulaqlıqlar üçün 3.5 mm-lik audiogirişi birləşdirir. Lakin smartfonun gövdəsi sudan qorunma özəlliyinə sahib deyil. O, MIUI 13 interfeysli Android 11 vasitəsilə çalışır. POCO X4 Pro 5G artıq sabah satışa çıxacaq. Smartfonun satış qiymətləri isə aşağıdakı kimi olacaq.

- 6 GB RAM + 128 GB yaddaş - 299 avro

- 8 GB RAM + 256 GB yaddaş - 349 avro.

    POCO M4 Pro modelinə gəldikdə isə o, 90 Hz-lik təsvir yenilənməsinə sahib 2400x1080 piksel keyfiyyətli 6.43 düym AMOLED ekran ilə təchiz olunub. Ekranın yuxarı mərkəz hissəsində ön kamera üçün nəzərdə tutulmuş kiçik dairəvi çıxıntı yerləşdirilib. Barmaq izi skanı texnologiyası smartfonun yandırıb/söndürmə düyməsinə inteqrasiya edilib. Əsas texniki göstəricilər baxımından M4 Pro modeli 8 nüvəli MediaTek Helio G96 prosessoru, 6/8 GB RAM, 128/256 GB daxili yaddaş həcmi, 64 MP + 8 MP (118 dərəcə tutma bucağı) + 2 MP üçlü arxa kamera, 16 MP-lik ön kamera və 33 vatt gücündə sürətli şarj texnologiyalı 5000 mAh enerji tutumlu batareya ilə təchiz olunub. M4 Pro modeli də özündə stereo səsgücləndiriciləri, kontaktsız ödənişlər üçün nəzərdə tutulmuş NFC çipi və naqilli qulaqlıqlar üçün 3.5 mm-lik audiogirişi birləşdirir. Smartfonun gövdəsi sudan qorunma özəlliyinə sahib deyil. Smartfon MIUI 13 interfeysli Android 11 vasitəsilə çalışır. POCO M4 Pro sabah satışa çıxacaq. Onun satış qiymətləri isə aşağıdakı kimi olacaq.

- 6 GB RAM + 128 GB yaddaş - 249 avro

- 8 GB RAM + 256 GB yaddaş - 269 avro.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Huawei Mate X3 adlı yeni qatlana bilən smartfon üzərində çalışır

Çinin kütləvi informasiya vasitələrinin verdikləri məlumata əsasən Huawei şirkəti qatlana bilən Mate..


Xiaomi 13-ün təqdimat tarixi rəsmi şəkildə elan edilib

Son zamanlarda olmuş çoxlu sayda məlumat sızıntısından sonra Xiaomi şirkəti sonunda Xiaomi 13 smartf..


Redmi K60 haqqında yeni məlumatlar verilib

İnsayderlərdən biri Redmi K60 smartfon seriyası barəsində yeni məlumatları təqdim edib.


Xiaomi 13 Pro smartfonu Geekbench testlərindən keçib

Xiaomi yaxın zamanda Xiaomi 13 smartfon seriyasını təqdim etməlidir.


Xiaomi 13-ün təqdimat tarixi barəsində məlumat ortaya çıxıb

Son günlərdə Xiaomi 13 smartfon seriyası barəsində daha çox məlumat ortaya çıxır.

×