Professionallar üçün Philips Brilliance 27E3U7903 monitoru təqdim edilib - QİYMƏTİ

     Philips şirkəti professional istifadəçilər üçün nəzərdə tutulmuş yeni monitorunu təqdim edib. Şirkətin bu yeni monitoru Philips Brilliance 27E3U7903 adlanır. Beləliklə sözügedən yeni monitor 70 Hz-lik təsvir yenilənməsinə sahib 5120x2880 piksel keyfiyyətli 27 düym ölçülü IPS ekranla təchiz olunub. Ekranın maksimal parlaqlıq səviyyəsi 500 nit təşkil edir və o, Adobe RGB rəng diapazonunun 99.5%-ni əhatə edir. Monitorun yuxarı hissəsində 5 MP-lik veb kamera da mövcuddur. Monitor özündə Thunderbolt 4, HDMI 2.1, USB Type-C və Type-A girişlərini və 5 vatt gücündə stereo səsgücləndiriciləri birləşdirir. Thunderbolt 4 girişi vasitəsilə digər cihazları şarj etmək mümkündür. Bunun üçün o, 96 vatt çıxış gücünə sahibdir. Philips Brilliance 27E3U7903 artıq satışa çıxıb və onun qiyməti 1090 avro təşkil edir.