Qatlana bilən Galaxy Z Flip 5 smartfonu Samsung DeX texnologiyasının dəstəyini əldə edə bilər
Cihazlar+
16.05.2023
Farid Pardashunas
Samsung şirkətinin Samsung DeX adlı texnologiyası smartfonları və planşetləri naqil və ya naqilsiz üsul vasitəsilə televizorlara, monitorlara və kompüterlərə qoşmaq imkanını verən texnologiyadır. Bu texnologiyanın dəstəyinə hələ ki, yalnız Galaxy S seriyasının smartfonları və planşetləri sahibdirlər. Lakin insayderlərin verdikləri yeni məlumata əsasən şirkətin daha bir smartfon seriyasına daxil olan model də Samsung DeX-in dəstəyini əldə edəcək.
Söhbət, qatlana bilən qapaqlı Galaxy Z Flip 5-dən gedir. Lakin DeX texnologiyasının proqram təminatı yenilənməsi vasitəsilə daha öncəki Galaxy Z Flip modellərində də dəstəklənib-dəstəklənməyəcəyi bilinmir. Bununla yanaşı Galaxy Z Fold 5-in də sözügedən texnologiyanın dəstəyini əldə edib-etməyəcəyi aydın deyil. Qeyd etmək lazımdır ki, son məlumata əsasən Samsung qatlana bilən Galaxy Z Fold 5 ilə Galaxy Z Flip 5-i iyun ayının sonunda təqdim edəcək.
Linki kopyala
Bənzər xəbərlər
Oxşar xəbərlər
Həftənin xəbərləri
YouTube öz yeni dizaynını test etməyə başlayıb
Telegram-ın yaradıcısı Pavel Durov geniş müsahibə verib (VİDEO)