Honor şirkəti iyul ayında qatlana bilən smartfonu olan Magic V2-ni Çin bazarında təqdim etmişdi. 1 sentyabr tarixində Berlində start götürmüş IFA 2023 sərgisində isə şirkət Magic V2-nin qlobal bazar üçün olan versiyasını təqdim etdi. Şirkətin bu qatlana bilən smartfonunun Çin bazarı üçün nəzərdə tutulmuş versiyası ilə qlobal bazar üçün nəzərdə tutulmuş versiyası arasında heç bir fərq yoxdur.

    Lakin smartfonun qlobal versiyasının təqdimatı çərçivəsində onun hansı qiymətə satılacağı barəsində məlumat verilmədi. İndi isə Honor-un CEO-su George Zhao bu məlumatı da təqdim edib. Onun sözlərinə əsasən Magic V2 modeli Avropa bazarında keçən ilki Magic Vs modelinin satış qiymətinə sahib olacaq. Yəni söhbət, 1600 avro satış qiymətindən gedir. Qeyd etmək lazımdır ki, bu satış qiyməti Honor Magic V2-nin 12 GB RAM-a və 512 GB daxili yaddaş həcminə sahib versiyasını əhatə edir.