Qatlana bilən Honor Magic Vs 2 smartfonu Geekbench testlərindən keçib

     Honor şirkəti sabah yeni qatlana bilən smartfonunu təqdim edəcək. Söhbət, Honor Magic Vs 2-dən gedir. Sözügedən smartfon iyul ayında təqdim edilmiş Honor Magic V2-nin bir qədər sadələşdirilmiş versiyası olmalıdır. Təqdimatdan bir gün öncə Honor Magic Vs 2-nin Geekbench testlərindən keçdiyi məlum olub. Bunun sayəsində Honor-un yeni qatlana bilən smartfonunun prosessoru, RAM yaddaşı və performansı məlum olub. Beləliklə Geekbench testlərinə əsasən Honor Magic Vs 2 smartfonu Snapdragon 8+ Gen 1 prosessoru vasitəsilə çalışır və özündə 16 GB RAM-ı birləşdirir. Smartfon Android 13 əməliyyat sisteminə sahibdir. Honor Magic Vs 2 Geekbench-in bir nüvəli testi çərçivəsində 1648 xal, çox nüvəli testi çərçivəsində isə 4201 xal toplayıb.