Huawei şirkətinin 23 mart tarixində keçirəcəyi təqdimat tədbiri çərçivəsində Huawei P60 flaqman smartfon seriyası ilə yanaşı həmçinin qatlana bilən Mate X3 smartfonu da təqdim olunacaq. İndi isə insayderlər Mate X3 barəsində bəzi məlumatları təqdim ediblər. Beləliklə verilmiş məlumata əsasən Huawei Mate X3 smartfonu iki ədəd ekran ilə təchiz olunacaq. Onlardan biri 7.85 düym əsas, digəri isə 6.45 düym köməkçi ekran olacaq. Bununla yanaşı smartfonun ekranları özlərində Ultra-Thin Glass adlı qoruyucu şüşəni birləşdirəcəklər. Gözləntilərə əsasən Huawei Mate X3 smartfonu Snapdragon 8 Gen 2 prosessorunun 4G versiyası vasitəsilə çalışacaq.