Qatlana bilən Huawei Mate X6-nın gövdə dözümlülüyü sərgilənib (VİDEO)
Cihazlar+
29.11.2024
Emil
Huawei bir neçə gün bundan öncə qatlana bilən Mate X6 smartfonunu təqdim etdi. İndi isə şirkət 4 dəqiqəlik video vasitəsilə bu smartfonun dözümlülüyünü və soyutma sistemini sərgiləyib. Videodan da görmək olar ki, şirkət yeni qatlana bilən smartfonunda soyutma sistemini yaxşılaşdırıb və onun konstruksiyasını gücləndirib. Mate X6-da istiliyi ayıran komponentlərin hamısı smartfonun yalnız müəyyən sahələrində deyil, bütün gövdə üzrə yerləşirlər.
Bu isə öz növbəsində smartfonun yüksək temperatura kimi qızmasının qarşısını effektiv şəkildə alır. Videoya əsasən Mate X6-nın gövdəsində və şarnir konstruksiyasındakı petlələrdə istifadə edilən yeni aerokosmik material smartfonun zərbələrə daha dözümlü olmasına şərait yaradır. Bununla yanaşı smartfonun xarici ekranı üzərində olan Kunlun Glass 2 adlı qoruyucu şüşə cızıqlara tab gətirə bilir. Maraqlısı ondadır ki, smartfonun elastiki olan daxili ekranının üzərinə 300 kq ağırlıqlı motosikletin yerləşdirilməsi halında da ekran zədələnməyib.
Paylaş
Ən çox oxunanlar
Samsung Galaxy F56 smartfonu təqdim edilib - QİYMƏTİ
