Qatlana bilən Huawei Mate X6 smartfonu təqdim edilib - QİYMƏTİ
Cihazlar+
26.11.2024
Emil Nəcəfov
Huawei şirkəti Çində keçirtmiş olduğu təqdimat tədbiri çərçivəsində Mate X6 adlı yeni qatlana bilən smartfonunu təqdim edib. Huawei Mate X6 smartfonu olduqca nazik və yüngül dizaynı əldə edib. Belə ki, smartfonun qatlanmış vəziyyətdə gövdə qalınlığı 9.85 mm, tam açıq vəziyyətdə gövdə qalınlığı 4.6 mm, çəkisi isə 226 qramm təşkil edir. Smartfon 1 Hz-dən 120 Hz-ə kimi təsvir yenilənməsinə sahib 2440x2240 piksel keyfiyyətli 7.93 düym ölçülü daxili OLED ekranla və 1 Hz-dən 120 Hz-ə kimi təsvir yenilənməsinə sahib 2440x1080 piksel keyfiyyətli 6.45 düym ölçülü xarici OLED ekranla təchiz olunub.
Daxili ekranın maksimal parlaqlıq səviyyəsi 1800 nit, xarici ekranın maksimal parlaqlıq səviyyəsi 2500 nit təşkil edir. Üstəlik xarici ekran Kunlun Glass 2 qoruyucu şüşəsi ilə əhatə olunub. Smartfonun gövdəsi IPX8 standartı üzrə sudan qorunma özəlliyinə sahibdir. Barmaq izi skanı texnologiyası yandırıb/söndürmə düyməsinə inteqrasiya edilib. Huawei digər yeni smartfonlarında olduğu kimi Mate X6-nın hansı prosessor vasitəsilə çalışdığını açıqlamayıb. Lakin bunun Kirin 9020 prosessoru olduğu güman edilir. Smartfon 12 GB RAM ilə 256/512 GB daxili yaddaş həcmini əldə edib.
Kameralar mövzusunda Mate X6 özündə 50 MP + 40 MP + 48 MP üçlü arxa kameranı və daxili ekran üzərində 8 MP-lik birinci ön kamera ilə xarici ekran üzərində 8 MP-lik ikinci ön kameranı birləşdirir. Batareyaya gəldikdə smartfon 66 vatt gücündə sürətli şarj texnologiyalı 5110 mAh enerji tutumlu batareya ilə təchiz olunub və 50 vatt gücündə sürətli naqilsiz şarj texnologiyasını dəstəkləyir. Qeyd etmək lazımdır ki, şirkət bu yeni qatlana bilən smartfonun Huawei Mate X6 Collector's Edition adlı ikinci versiyasını təqdim edib.
Huawei Mate X6 Collector's Edition versiyası adi Mate X6-dan sadəcə RAM, daxili yaddaş həcmi və batareya üzrə fərqlənir. Belə ki, Huawei Mate X6 Collector's Edition modeli 16 GB RAM ilə 512 GB/1 TB daxili yaddaş həcmini və 5200 mAh enerji tutumlu batareyanı əldə edib. Hər iki model dekabr ayının əvvəlində Çində satışa çıxacaq. Mate X6 modelinin qiyməti 1795$-dan, Huawei Mate X6 Collector's Edition-un qiyməti isə 2071$-dan başlayacaq.
Linki kopyala
Bənzər xəbərlər
Oxşar xəbərlər
Huawei Mate 70 RS Ultimate Design premium smartfonu təqdim edilib - QİYMƏTİ
Huawei Mate 70 RS Ultimate Design premium smartfonu təqdim edilib - QİYMƏTİ
Huawei şirkəti Mate 70 smartfonları ilə yanaşı bu seriyanın ən premium modelini də təqdim edib. Söhbət, Mate 70 RS Ultimate Design modelindən gedir. Bu model öz xarici görünüşü baxımından digər Mate 70 modellərindən bir qədər fərqlənir.
Huawei Mate 70, Mate 70 Pro və Mate 70 Pro+ təqdim olunub - QİYMƏTİ
Huawei Mate 70, Mate 70 Pro və Mate 70 Pro+ təqdim olunub - QİYMƏTİ
Huawei şirkəti Çində keçirtmiş olduğu təqdimat tədbiri çərçivəsində yeni smartfonlarını təqdim edib. Söhbət, Mate 70 smartfon seriyasından və qatlana bilən bilən Mate X6 smartfonundan gedir. Bu xəbərdə biz ilk növbədə Mate 70, Mate 70 Pro və Mate 70 Pro+ modellərinə nəzər yetirəcəyik.
Huawei MatePad Pro 13.2 planşetinin yeni versiyasının təqdimatı anons edilib
Huawei MatePad Pro 13.2 planşetinin yeni versiyasının təqdimatı anons edilib
Huawei şirkəti artıq rəsmi şəkildə təsdiqləyib ki, 26 noyabr tarixində Mate 70 smartfonları və qatlana bilən Mate X6 smartfonu təqdim olunacaqlar. İndi isə şirkət həmin tarix üçün daha bir yeni cihazının təqdimatını anons edib.
Təqdimatas hazırlaşan qatlana bilən Huawei Mate X6 smartfonunu xarici görünüşü sərgilənib
Təqdimatas hazırlaşan qatlana bilən Huawei Mate X6 smartfonunu xarici görünüşü sərgilənib
Huawei şirkəti 26 noyabr tarixində Mate 70 smartfonları ilə yanaşı üstəlik yeni qatlana bilən smartfonunu da təqdim edəcək.
Huawei Mate 70 Pro+ smartfonunun xarici görünüşü rəsmi şəkildə sərgilənib
Huawei Mate 70 Pro+ smartfonunun xarici görünüşü rəsmi şəkildə sərgilənib
Huawei şirkəti Mate 70 smartfon seriyasını 26 noyabr tarixində təqdim edəcək. Bu seriyaya daxil olacaq modellərdən biri isə Mate 70 Pro+ olacaq. İndi isə məlum olub ki, şirkətin top menecerlərindən biri olan Richard Yu sözügedən modelin xarici görünüşünü şəxsən özü sərgiləyib.
Həftənin xəbərləri
