Qatlana bilən iPhone-nun qiyməti iPhone 16 Pro Max-dan iki dəfə baha ola bilər

     Birinci qatlana bilən iPhone-un ABŞ-da başlanğıc qiyməti təxminən 2300$ ola bilər. Barclays bankının analitiki Tim Long investorlara ünvanladığı qeyddə belə bir proqnoz verib. Bu, Apple tarixində ən bahalı iPhone olacaq. Əgər qatlana bilən iPhone-un pərakəndə satış qiyməti həqiqətən 2300$ olsa, o, 1199$-dan başlayan iPhone 16 Pro Max-dan demək olar ki, iki dəfə bahalı, Samsung-un Galaxy Z Fold 6 modelindən isə xeyli baha (bu modelin tövsiyə edilən qiyməti 1900$ başlayır) olacaq. Tim Long bu qiyməti Asiyaya son səfərindən sonra açıqlayıb. Onun əməkdaşları burada komponent istehsalçıları ilə görüşüblər.

     Təchizat zəncirində Apple-ın ilk qatlana bilən iPhone-un buraxılışını 2026-cı ilin sonu və ya 2027-ci ilin əvvəlinə planlaşdırdığı barədə məlumatlar getdikcə daha çox yayılır. Yüksək qiymət səbəbindən satış həcmlərinin nisbətən aşağı ola biləcəyi də ehtimal edilir. Barclays-ın məlumatı tanınmış analitik Min-Chi Kuo-nun proqnozları ilə üst-üstə düşür. Onun qiymətləndirməsinə görə, ilk qatlana bilən iPhone-un qiyməti 2000-2500$ arasında ola bilər.

     Asiyalı ekspert baha olmasına baxmayaraq, cihazın yüksək tələbat görəcəyini proqnozlaşdırır - əgər onun keyfiyyəti gözləntiləri doğruldarsa. Əsas texnoloji sıçrayış kimi ekranda nəzərəçarpan qatlanma izinin tamamilə aradan qaldırılması qeyd olunur. Min-Chi Kuo-nun proqnozlarına əsasən, qatlana bilən ilk iPhone 7.8 düym ölçülü daxili və 5.5 düym ölçülü xarici ekrana sahib olacaq. Cihazda iki arxa və bir ön kamera, həmçinin Face ID əvəzinə Touch ID sensorlu güc düyməsi yer alacaq. Batareya isə daha yüksək enerji sıxlığına malik olacaq. Qatlana bilən iPhone-un ölçüləri:

- Açıq halda - 4.5 mm qalınlıq

- Qapalı halda - 9-9.5 mm qalınlıq

     Cihazın gövdesinin titan, şarnir konstruksiyasının isə titan və paslanmaz poladdan hazırlanacağı gözlənilir. Apple bu smartfonun kütləvi istehsalına 2026-cı ilin dördüncü rübündə başlaya bilər.

Mənbə: Macrumors

Bənzər xəbərlər

Cihazlar+

Apple nazik gövdəli iPhone 17 Air-i bütün girişlərdən məhrum etməyi planlaşdırırdı

Apple bu ilin ikinci yarısında nazik gövdəli iPhone 17 Air smartfonunu təqdim etməlidir. Bu, iPhone 16 Plus-ı əvəz edəcək smartfon olmalıdır. Cihazın əsas xüsusiyyəti onun rekord dərəcədə nazik gövdəsi olacaq - cəmi 5.5 mm.

Proqram Təminatı

Yeni məlumat sızıntısı yenilənmiş Siri ilə bağlı vəziyyətin necə acınacaqlı olduğunu göstərib

Son zamanlar media tez-tez yazır ki, Apple yeni Siri versiyasının hazırlanması prosesində bir sıra çətinliklərlə üzləşib. Yeni versiyanın əsasını süni zəka əsaslı alqoritmlər təşkil etməlidir.

Cihazlar+

iPhone 16e alıcılar arasında iPhone SE 2022-dən daha məşhurdur

IDC analitiklərinin məlumatına görə, iPhone 16e smartfonunun ilk həftələrdəki satış tələbi, iPhone SE 2022 modeli ilə müqayisədə 60% daha yüksək olub. Bununla yanaşı, Apple məhsullarına olan tələbin Çin bazarında azalmaqda olduğu qeyd edilir.

Cihazlar+

AirPods-lar nitqin sinxron tərcüməsi imkanını əldə edəcəklər

Bloomberg-in nüfuzlu insayderi Mark Gurman, AirPods istifadəçilərini sevindirəcək maraqlı bir xəbər paylaşıb. Apple, AirPods qulaqlıqları üçün elan olunmamış sinxron nitq tərcüməsi funksiyası üzərində aktiv çalışır.

Proqram Təminatı

Apple servislərində backdoor-un yerləşdirilməsi mövzusunda Böyük Britaniya və ABŞ rəsmiləri danışıqlar aparıblar

Böyük Britaniya və ABŞ rəsmiləri, Böyük Britaniyanın istifadəçilərə məxsus şifrələnmiş məlumatlara giriş əldə etmək üçün Apple servislərində backdoor yaratmaq niyyətində olduğu ilə bağlı narahatlıqları aradan qaldırmaq üçün danışıqlar aparıblar.