OPPO şirkəti artıq müəyyən müddətdir ki, OPPO Find N3 Fold adlı yeni qatlana bilən smartfonu üzərində çalışır. İnsayderlər sözügedən smartfonun nə zaman təqdim ediləcəyi barəsində məlumatı təqdim ediblər. Beləliklə onların sözlərinə əsasən qatlana bilən OPPO Find N3 Fold smartfonu artıq bu ay təqdim olunacaq. Təqdimat tədbiri Çində baş tutacaq. Qeyd etmək lazımdır ki, OPPO Find N3 Fold qlobal bazarda da satılacaq. Smartfon qlobal bazarda OnePlus Open adı ilə satışa çıxacaq.

    Son məlumat sızıntılarına əsasən OPPO Find N3 Fold smartfonu 120 Hz-lik təsvir yenilənməsinə sahib 2K keyfiyyətli 7.8 düym daxili AMOLED ekran və 120 Hz-lik təsvir yenilənməsinə sahib 6.3 düym xarici AMOLED ekran ilə təchiz olunacaq. Smartfon Snapdragon 8 Gen 2 prosessoru vasitəsilə çalışmalı və özündə 12 GB RAM-ı, 256 GB daxili yaddaş həcmini, 64 MP + 48 MP + 48 MP üçlü arxa kameranı, 32 MP-lik ön kameranı və 67 vatt gücündə sürətli şarj texnologiyalı 4800 mAh enerji tutumlu batareyanı birləşdirməlidir.