Qatlana bilən OPPO Find N3 smartfonu barəsində yeni məlumatlar ortaya çıxıb

    Çinin Weibo adlı sosial şəbəkəsində OPPO şirkətinin yeni qatlana bilən smartfonu barəsində növbəti məlumatlar ortaya çıxıb. Söhbət, OPPO Find N3-dən gedir. Beləliklə ortaya çıxmış məlumatlara əsasən OPPO Find N3 smartfonu naqilsiz şarj texnologiyasının dəstəyini əldə edəcək və flaqman kamera ilə təchiz olunacaq. Söhbət, Sony IMX581 adlı 50 MP-lik əsas arxa kameradan gedir. Onu həmçinin Sony IMX581 adlı 48 MP-lik genişbucaqlı obyektiv və 32 MP-lik periskop obyektiv tamamlayacaq.

    Məlumata əsasən OPPO Find N3 ikili ön kamera ilə təchiz olunacaq və onlardan hər biri 32 MP-lik olacaq. Daha öncəki məlumat sızıntılarına əsasən OPPO-nun yeni qatlana bilən smartfonu əsas ekranı 120 Hz-lik yenilənməsinə sahib 8 düym ölçülü olmaqla iki ədəd ekrana, Snapdragon 8 Gen 2 prosessoruna, 16 GB-a kimi RAM-a, 1 TB-a kimi daxili yaddaş həcminə və 80 vatt gücündə sürətli şarj texnologiyalı 4805 mAh enerji tutumlu batareyaya sahib olacaq. OPPO Find N3-ün təqdimatı ya bu ilin üçüncü ya da dördüncü rübündə baş tutacaq.