Qatlana bilən qapaqlı Honor Magic V Flip 2-nin batareya həcmi açıqlanıb

     Honor dünən yeni qatlana bilən qapaqlı smartfonunun təqdimatını anons etdi. Söhbət, Honor Magic V Flip 2-dən gedir. Bu yeni smartfon 21 avqust tarixində təqdim olunacaq. İndi isə şirkət Magic V Flip 2-nin hansı həcmdə batareyanı və hansı gücdə sürətli şarj texnologiyasının dəstəyini əldə edəcəyini rəsmi şəkildə açıqlayıb. Honor tərəfindən təqdim edilmiş posterə əsasən Magic V Flip 2 smartfonu 5500 mAh enerji tutumlu batareya ilə təchiz olunacaq. Smartfon 80 vatt gücündə sürətli naqilli şarj texnologiyasını və 50 vatt gücündə sürətli naqilsiz şarj texnologiyasını dəstəkləyəcək.