Qatlana bilən qapaqlı Huawei Pocket 2 smartfonunun təqdimatı rəsmi şəkildə anons edilib

     Biz artıq dəfələrlə məlumat vermişik ki, Huawei şirkəti Pocket 2 adlı yeni qatlana bilən qapaqlı smartfonunu təqdim etməyə hazırlaşır. Smartfon barəsində olmuş çoxlu sayda məlumat sızıntısından sonra şirkət sonunda onun təqdimatını rəsmi şəkildə anons edib. Huawei tərəfindən təqdim edilmiş posterə əsasən Pocket 2 smartfonu 22 fevral tarixində Çində təqdim olunacaq. Son məlumat sızıntılarına əsasən Huawei Pocket 2 smartfonu 120 Hz-lik təsvir yenilənməsinə sahib əsas AMOLED ekranı əldə edəcək və Kirin prosessoru vasitəsilə çalışacaq.