Artıq sirr deyil ki, Motorola şirkəti hal hazırda qatlana bilən qapaqlı Motorola RAZR smartfon seriyasında bir neçə cihaz üzərində çalışır. Onlardan biri də Motorola RAZR 40 olmalıdır. İndi isə internetdə Motorola RAZR 40-ın press-render fotoları ortaya çıxıb. Ortaya çıxmış fotolardan da görmək olar ki, smartfon xarici ekran və ikili arxa kamera ilə təchiz olunacaq. Smartfonun daxili ekranının yuxarı mərkəz hissəsində isə ön kamera üçün nəzərdə tutulmuş kiçik dairəvi çıxıntı yerləşəcək. Xarici ekranda zaman, hava proqnozu və bildirişlər əks olunacaqlar. Smartfonun texniki özəllikləri barəsində məlumat yoxdur. Təqdimata gəldikdə isə Motorola RAZR 40-ın RAZR 40 Ultra ilə birlikdə gələn ayın əvvəlində təqdim olunacağı gözlənilir.