Qatlana bilən qapaqlı Motorola RAZR smartfon seriyasının yeni modellərinin təqdim olunmasına az müddət qalmış insayderlər Motorola RAZR 40 Ultra-nın texniki özəlliklərini təqdim ediblər. Qeyd etmək lazımdır ki, yeni Motorola RAZR smartfonları 1 iyun tarixində təqdim ediləcək. Beləliklə insayderlərin sözlərinə əsasən Motorola RAZR 40 Ultra smartfonu 2400x1080 piksel keyfiyyətli 6.9 düym daxili pOLED və 1066x1056 piksel keyfiyyətli 3.6 düym xarici pOLED ekran ilə təchiz olunacaq.

    Məlumata əsasən hər iki ekran 165 Hz-lik təsvir yenilənməsini dəstəkləyəcək. İnsayderlər bildiriblər ki, smartfon Snapdragon 8+ Gen 1 prosessoru vasitəsilə çalışacaq və özündə 8 GB RAM-ı, 256 GB daxili yaddaş həcmini, 13 MP + 12 MP ikili arxa kameranı, 32 MP-lik ön kameranı və 33 vatt gücündə sürətli şarj texnologiyalı 3800 mAh enerji tutumlu batareyanı birləşdirəcək. Motorola RAZR 40 Ultra-nın Avropa bazarında 1200 avroya satılacağı gözlənilir.