XDA-Developers saytının əməkdaşları qatlana bilən qapaqlı Motorola RAZR 40 Ultra smartfonunun texniki özəllikləri barəsində məlumatlar veriblər. Beləliklə verilmiş məlumata əsasən smartfon iki ədəd ekrana sahib olacaq. Motorola RAZR 40 Ultra özündə 120 Hz-lik təsvir yenilənməsinə sahib 2640x1080 piksel keyfiyyətli daxili əsas AMOLED ekranı və 1056x1066 piksel keyfiyyətli xarici AMOLED ekranı birləşdirəcək. Bununla yanaşı smartfon 12 MP + 13 MP ikili arxa kameraya və 32 MP-lik ön kameraya sahib olacaq. Smartfon Snapdragon 8+ Gen 1 prosessoru vasitəsilə çalışacaq və özündə 12 GB-a kimi RAM yaddaşını, 512 GB-a kimi daxili yaddaş həcmini və 33 vatt gücündə sürətli şarj texnologiyalı 4000 mAh enerji tutumlu batareyanı birləşdirəcək. Bəzi məlumatlara əsasən smartfon iyun ayının əvvəlində təqdim olunacaq.