Qatlana bilən qapaqlı Motorola Razr 60 və Razr 60 Ultra təqdim olunub - QİYMƏTİ

     Motorola şirkəti Edge 60 və Edge 60 Pro smartfonları ilə yanaşı həmçinin yeni qatlana bilən qapaqlı smartfonlarını da təqdim edib. Söhbət, Motorola Razr 60 və Razr 60 Ultra-dan gedir. Bu yeni qatlana bilən qapaqlı smartfonlar xarici görünüşcə bir-birilərinə bənzəyirlər. Lakin texniki imkanlar baxımından onlar arasında fərq var. İlk öncə adi Motorola Razr 60 modelinə nəzər yetirək. Bu model 120 Hz-lik təsvir yenilənməsinə sahib 2640x1080 piksel keyfiyyətli 6.9 düym ölçülü daxili LTPO pOLED ekranla və 90 Hz-lik təsvir yenilənməsinə sahib 1066x1056 piksel keyfiyyətli 3.6 düym ölçülü xarici LTPS pOLED ekranla təchiz olunub. Daxili ekranın maksimal parlaqlıq səviyyəsi 3000 nit, xarici ekranın maksimal parlaqlıq səviyyəsi isə 2700 nit təşkil edir.

     Xarici ekran həmçinin Corning Gorilla Glass Victus qoruyucu şüşəsi ilə əhatə olunub. Barmaq izi skanı texnologiyası yandırıb/söndürmə düyməsinə inteqrasiya edilib. Motorola Razr 60-ın gövdəsi isə IP48 standartı üzrə nəmişlikdən qorunma özəlliyinə sahibdir. Smartfon MediaTek Dimensity 7400X prosessoru vasitəsilə çalışır və 8 GB RAM ilə 256 GB daxili yaddaş həcmini əldə edib. Kameralar mövzusunda adi Razr 60 özündə 50 MP + 13 MP ikili arxa kameranı və 32 MP-lik ön kameranı birləşdirir. Batareyaya gəldikdə isə smartfon 30 vatt gücündə sürətli şarj texnologiyalı 4500 mAh enerji tutumlu batareya ilə təchiz olunub və üstəlik 15 vatt gücündə sürətli naqilsiz şarj texnologiyasını dəstəkləyir.

     İndi isə Motorola Razr 60 Ultra modelinə nəzər yetirək. Razr 60 Ultra modeli 165 Hz-lik təsvir yenilənməsinə sahib 2992x1224 piksel keyfiyyətli 7 düym ölçülü daxili LTPO pOLED ekranla və 165 Hz-lik təsvir yenilənməsinə sahib 1272x1080 piksel keyfiyyətli 4 düym ölçülü daxili pOLED ekranla təchiz olunub. Daxili ekranın maksimal parlaqlıq səviyyəsi 4500 nit, xarici ekranın maksimal parlaqlıq səviyyəsi isə 3000 nit təşkil edir. Xarici ekran həmçinin Corning Gorilla Glass Ceramic qoruyucu şüşəsi ilə əhatə olunub. Barmaq izi skanı texnologiyası yandırıb/söndürmə düyməsinə inteqrasiya edilib. Motorola Razr 60 Ultra-nın gövdəsi isə IP48 standartı üzrə nəmişlikdən qorunma özəlliyinə sahibdir.

     Smartfon Snapdragon 8 Elite prosessoru vasitəsilə çalışır və 16 GB RAM ilə 1 TB daxili yaddaş həcmini əldə edib. Kameralar mövzusunda adi Razr 60 Ultra özündə 50 MP + 50 MP ikili arxa kameranı və 50 MP-lik ön kameranı birləşdirir. Batareyaya gəldikdə isə smartfon 68 vatt gücündə sürətli şarj texnologiyalı 4700 mAh enerji tutumlu batareya ilə təchiz olunub və üstəlik 30 vatt gücündə sürətli naqilsiz şarj texnologiyasını dəstəkləyir. Motorola bu yeni qatlana bilən qapaqlı smartfonların nə zaman satışa çıxacaqlarını açıqlamayıb. Lakin qeyd edib ki, Razr 60 modelinin qiyməti 799 avro, Razr 60 Ultra modelinin qiyməti isə 1299 avro təşkil edəcək.

Mənbə: GSMarena

Bənzər xəbərlər

Cihazlar+

Qlobal bazarda Motorola Edge 60 və Edge 60 Pro təqdim olunub - QİYMƏTİ

Motorola şirkəti qlobal bazarda Edge 60 və Edge 60 Pro smartfonlarını təqdim edib. Bu smartfonlar xarici görünüşcə bir-birilərinə bənzəsələr də bəzi texniki göstəricilər baxımından fərqlənirlər.

Cihazlar+

Motorola Edge 60-ın render fotoları və texniki imkanları təqdim edilib

Motorola şirkəti Edge 60 Fusion və Edge 60 STYLUS smartfonlarını təqdim edəndən sonra indi də adi Edge 60 modelini təqdim etməyə hazırlaşır.

Cihazlar+

Motorola öz ilk noutbuku Moto Book 60-ı təqdim edib - QİYMƏTİ

Motorola şirkəti öz ilk noutbukunu təqdim edib. Şirkətin ilk noutbuku Moto Book 60 adlanır.

Cihazlar+

Moto Pad 60 PRO planşeti təqdim edilib - QİYMƏTİ

Motorola şirkəti Moto Pad 60 PRO adlı yeni planşetini təqdim edib. Bu yeni planşet böyük ölçülü ekranı və güclü prosessoru əldə edib.

Cihazlar+

Orta büdcəli Motorola Edge 60 STYLUS smartfonu təqdim edilib - QİYMƏTİ

Motorola şirkəti yeni orta büdcəli smartfonunu təqdim edib. Söhbət, Motorola Edge 60 STYLUS-dan gedir. Bu yeni smartfon böyük ölçülü ekranı və Snapdragon prosessorunu əldə edib.