Samsung şirkəti yaxın aylarda yeni qatlana bilən smartfonlarını təqdim edəcək. Söhbət, Galaxy Z Fold 5 ilə Z Flip 5-dən gedir. İndi isə internetdə Galaxy Z Flip 5-in daxilində yerləşəcək iki ədəd batareyanın fotoları ortaya çıxıb. Ortaya çıxmış fotolardan birində 971 mAh, digərində isə 2620 mAh enerji tutumlu batareya əks olunub. İki batareyanın ümumi həcmi 3591 mAh təşkil edir. Müqayisə üçün qeyd etmək lazımdır ki, aktul olan Galaxy Z Flip 4 modeli 3700 mAh (faktiki olaraq 3595 mAh) enerji tutumlu batareyaya sahibdir. Çox güman ki, Galaxy Z Flip 5 də 3700 mAh enerji tutumlu batareya ilə təchiz olunacaq. Galaxy Z Fold 5 ilə Z Flip 5-in iyul ayının sonunda təqdim olunacağı gözlənilir.