Qatlana bilən qapaqlı Samsung Galaxy Z Flip 5-in real fotosu ortaya çıxıb

    İnternetdə qatlana bilən qapaqlı Galaxy Z Flip 5 smartfonunun real fotosu ortaya çıxıb. Ortaya çıxmış foto yüksək keyfiyyətdə olmasa da, daha öncəki məlumat sızıntılarını təsdiqləyir. Fotoda Galaxy Z Flip 5 qatlanmış şəkildə əks olunub. Fotodan da görmək olar ki, smartfon böyük ölçülü xarici ekrana sahibdir və xarici ekranın yuxarı hissəsində ikili arxa kamera yerləşdirilib. Son məlumat sızıntılarına əsasən Galaxy Z Flip 5 smartfonu 120 Hz-lik təsvir yenilənməsinə sahib Full HD+ keyfiyyətli 6.7 düym daxili AMOLED ekran və Snapdragon 8 Gen 2 prosessoru ilə təchiz olunacaq. Smartfonun gələn ayın sonunda təqdim olunacağı gözlənilir.