Qatlana bilən vivo X Fold 2 ilə X Flip-in nə zaman təqdim olunacaqları açıqlanıb

    Bir neçə ay ərzində olmuş məlumat sızıntılarından sonra vivo şirkəti sonunda öz yeni qatlana bilən smartfonlarının təqdimat tarixini elan edib. Söhbət, vivo X Fold 2 və vivo X Flip adlı qatlana bilən smartfonlardan gedir. Beləliklə şirkətin verdiyi rəsmi məlumata əsasən sözügedən smartfonlar 20 aprel tarixində Çində təqdim olunacaqlar. Gözləntilərə əsasən vivo X Fold 2 smartfonu 120 Hz-lik təsvir yenilənməsinə sahib iki ədəd E6 AMOLED ekran, Snapdragon 8 Gen 2 prosessoru, 50 MP + 12 MP + 12 MP üçlü arxa kamera və 120 vatt gücündə sürətli şarj texnologiyalı 4800 mAh enerji tutumlu batareya ilə təchiz olunacaq. Vivo X Flip-ə gəldikdə isə onun 120 Hz-lik təsvir yenilənməsinə sahib Full HD+ keyfiyyətli 6.8 düym əsas OLED ekran, Snapdragon 8+ Gen 1 prosessoru və 44 vatt gücündə sürətli şarj texnologiyalı 4400 mAh enerji tutumlu batareya ilə təchiz olunacağı gözlənilir.