Qatlana bilən vivo X Fold 4 smartfonu barəsində yeni təfərrüatlar təqdim edilib
Cihazlar+
22.11.2024
Emil
Vivo şirkəti hal-hazırda qatlana bilən vivo X Fold 4 smartfonu üzərində çalışır. Digital Chat Station ləqəbli məşhur insayder öz növbəsində hazırlanan bu yeni qatlana bilən smartfon barəsində bəzi təfərrüatları təqdim edib. Beləliklə insayderin sözlərinə əsasən daha öncə vivo X Fold modellərindən fərqli olaraq X Fold 4 olduqca yüngül və nazik gövdəli olacaq.
Onun gövdəsi üstəlik IPX8 standartı üzrə sudan qorunma özəlliyinə sahib olacaq. Məlumatda qeyd edilib ki, smartfon Snapdragon 8 Elite prosessoru vasitəsilə çalışacaq və özündə sürətli naqilsiz şarj texnologiyasının dəstəyinə sahib 6000 mAh enerji tutumlu batareyanı birləşdirəcək. İnsayder əlavə edib ki, vivo X Fold 4 smartfonu 50 MP + 50 MP + 50 MP üçlü arxa kameranı əldə edəcək. Vivo X Fold 4-ün nə zaman təqdim ediləcəyi bilinmir. Bu, gələn ilin birinci rübündə və ya ikinci rübündə baş tuta bilər.
Paylaş
Ən çox oxunanlar
Samsung Galaxy F56 smartfonu təqdim edilib - QİYMƏTİ
