Qatlana bilən Vivo X Fold 4 smartfonunun batareya həcmi məlum olub
Vivo şirkəti hal-hazırda vivo X Fold 4 adlı yeni qatlana bilən smartfonu üzərində çalışır. Məlum olub ki, bu yeni qatlana bilən smartfon Çinin TENAA adlı sertifikatlaşdırma agentliyinin məlumatlar bazasında ortaya çıxıb. Bunun sayəsində vivo X Fold 4-ün batareya həcmi məlum olub. Beləliklə sertifikatlaşdırma agentliyinin məlumatlar bazasında vivo X Fold 4-ün batareya həcmi 6365 mAh kimi qeyd edilib.
Çox güman ki, şirkət bunu rəsmi şəkildə 6500 mAh kimi qələmə verəcək. Müqayisə üçün qeyd etmək lazımdır ki, hal-hazırda aktual olan vivo X Fold 3-ün batareya həcmi 5500 mAh təşkil edir. Nəticədə vivo X Fold 4 bütün qatlana bilən smartfonlar arasında ən böyük həcmli batareyaya sahib smartfon ola bilər. Bununla yanaşı məlumatda qeyd edilib ki, vivo-nun bu yeni qatlana bilən smartfonu 2 SIM kart, 5G və peyk rabitəsi dəstəyinə sahib olacaq. Üstəlik smartfon qutudan Android 15 vasitəsilə çalışacaq
Şərhlər
Şərh yazmaq üçün Google və ya Facebook hesabınızla daxil olun.
Şərhlər yüklənir...
Ən çox oxunanlar