Qatlana bilən Xiaomi Mix Fold 3 təqdimata hazırlaşır

    Artıq məlumdur ki, Xiaomi şirkəti öz yeni qatlana bilən smartfonunun təqdimatına hazırlaşır. Söhbət, Xiaomi Mix Fold 3-dən gedir. Görünür, bu smartfonun təqdimatı artıq çox yaxındır. Belə ki, Xiaomi Mix Fold 3 smartfonu MIIT adlı sertifikatlaşdırma agentliyinin məlumatlar bazasında ortaya çıxıb. Bu isə o deməkdir ki, şirkət öz yeni qatlana bilən smartfonunu yaxın zamanda təqdim edəcək. Onun gələn ay təqdim olunacağı gözlənilir. Son məlumat sızıntılarına əsasən Xiaomi Mix Fold 3 daxili və xarici ekran ilə təchiz olunacaq. Smartfon Snapdragon 8 Gen 2 prosessorunun sürətləndirilmiş versiyası vasitəsilə çalışacaq və özündə 16 GB RAM-ı, 1 TB-a kimi daxili yaddaş həcmini və 67 vatt gücündə sürətli şarj texnologiyalı 4800 mAh enerji tutumlu batareyanı birləşdirəcək.