Xiaomi şirkəti keçən ilin avqust ayında Mix Fold 2 adlı qatlana bilən smartfonunu təqdim etmişdi. Digital Chat Station ləqəbli mşhur insayderin verdiyi məlumata əsasən şirkət artıq yeni qatlana bilən smartfon üzərində çalışır. Söhbət, Mix Fold 3-dən gedir. İnsayderin sözlərinə əsasən şirkət yeni qatlana bilən smartfonunu bu ilin ikinci yarısında satışa çıxartmağı planlaşdırır. Hazırlanan smartfon Samsung şirkətinin Galaxy Z Fold 5 modeli ilə rəqabət aparacaq. Xiaomi Mix Fold 3-ün texniki özəllikləri barəsində məlumat hələ çox azdır. Məlumata əsasən yeni qatlana bilən smartfon LPDDR5X standartlı 16 GB RAM və UFS 4.0 standartlı 1 TB-a kimi daxili yaddaş həcmi ilə təchiz olunacaq. Xarici görünüş baxımından yeni smartfon Mix Fold 2-dən o qədər də fərqlənməyəcək.