Qatlana bilən Xiaomi Mix Fold 3-ün təqdimatı rəsmi şəkildə anons edilib

    Bir neçə ay ərzində olmuş məlumat sızıntılarından sonra Xiaomi şirkəti sonunda öz yeni qatlana bilən smartfonunun təqdimatını anons edib. Söhbət, Xiaomi Mix Fold 3-dən gedir. Şirkət tərəfindən təqdim edilmiş posterə əsasən Xiaomi Mix Fold 3 smartfonu 14 avqust tarixində təqdim ediləcək. Təqdimat Çində baş tutacaq. Son məlumat sızıntılarına əsasən Xiaomi Mix Fold 3 smartfonu Snapdragon 8 Gen 2 prosessoru vasitəsilə çalışacaq və özündə Leica kameraları ilə 67 vatt gücündə sürətli şarj texnologiyalı 5000 mAh enerji tutumlu batareyanı birləşdirəcək.