Qualcomm şirkətinin CEO-su Cristiano Amon-un fikrincə süni zəka smartfon bazarına yeni nəfəs verə bilər. Qualcomm-un CEO-su bildirib ki, o, süni zəka sahəsində əhəmiyyətli perspektivlər görür. Onun sözlərinə əsasən Qualcomm-un gələn ayın sonunda Snapdragon ilə bağlı baş tutacaq növbəti tədbiri mobil texnologiyalar sahəsində əhəmiyyətli dəyişikliklərə səbəb ola bilər. Bundan əlavə olaraq Cristiano Amon bildirib ki, NVIDIA-dan fərqli olaraq Qualcomm tamam fərqli yol ilə gedir. Belə ki, NVIDIA süni zəka texnologiyasını məlumatların emalı ilə bağlı mərkəzlərə inteqrasiya edir. Qualcomm isə sözügedən texnologiyanı smartfonlara və digər cihazlara inteqrasiya etmək niyyətindədir.