Qualcomm şirkəti ASUS-un dəstəyi ilə öz ilk smartfonunu təqdim edib - QİYMƏTİ

Qualcomm şirkəti ASUS-un dəstəyi ilə öz ilk smartfonunu təqdim edib - QİYMƏTİ

Mobil Cihazlar
09.07.2021 PAYLAŞIM

    Qualcomm şirkəti ASUS-un dəstəyi ilə birlikdə hazırladığı ilk smartfonunu təqdim edib. Smartfonda Qualcomm-un ən aparıcı texnologiyalarından istifadə olunub və onun əsas kütləsi Snapdragon insayderləridir. Qualcomm-un sözlərinə əsasən bütün dünyada 1.6 milyon nəfər Snapdragon insayderi mövcuddur. Söhbət, online forumlarda aktiv iştirak edən və Qualcomm-un yeni məhsulları barəsində ilk məlumatları əldə edən insanlardan gedir. Məhz həmin insanlar üçün Qualcomm şirkəti Smartphone for Snapdragon Insiders adlı smartfonunu yaradıb. Sözügedən smartfonun istehsalı ilə ASUS məşğul olur. Onun dizaynı və elementlərinin yerləşdikləri yerləri nəzərə alaraq güman etmək olar ki, yeni smartfon ASUS ROG Phone 5 əsasında hazırlanıb.


    Smartfon 144 Hz-lik təsvir yenilənməsinə sahib 2448x1080 piksel keyfiyyətli 6.78 düym ekrana sahibdir. Bununla yanaşı ekran həmçinin Gorilla Glass Victus qoruyucu şüşəsi ilə əhatə olunub. Barmaq izi skanı texnologiyası smartfonun arxa panelində yerləşir. Bu məsələdə Qualcomm özünün ultrasəs texnologiyası əsasında çalışan 2-ci nəsil barmaq izi skanından istifadə edib. Bununla yanaşı smartfon Snapdragon 888 prosessoru, 16 GB RAM, 512 GB daxili yaddaş həcmi, 64 MP (f/1.8 diafraqma) + 12 MP (ultragenişbucaqlı obyektiv) + 8 MP (3 qat optik zoom-lu teleobyektiv) üçlü arxa kamera, 24 MP-lik ön kamera və 65 vatt gücündə sürətli şarj texnologiyalı 4000 mAh enerji tutumlu batareya ilə təchiz olunub. Smartfonun kameraları vasitəsilə çəkiliş zamanı Qualcomm AI texnologiyasından istifadə olunur.

    Bu texnologiya kadrın avtomatik yaxınlaşdırılmasını və kadrda olan obyektlərin təyin edilməsini təmin edir. Bundan əlavə olaraq Qualcomm-un ilk smartfonu stereo səsgücləndiricilər ilə təchiz olunub və Snapdragon Sound adlı yeni texnologiyanı dəstəkləyir. Bu texnologiyanın sayəsində cihazın stereo səsgücləndiriciləri ekranda baş verənlərə əsasən səsləndirməni adaptasiya edirlər. Sözügedən smartfonun alıcıları Master & Dynamic şirkəti tərəfindən hazırlanmış naqilsiz qulaqlıqları smartfon komplektində əldə edəcəklər. Smartfon Android 11 əməliyyat sistemi vasitəsilə çalışır. Lakin onda hansı istifadəçi interfeysinin olduğu barəsində məlumat verilməyib. Smartphone for Snapdragon Insiders gələn ay 1500$ qiymətində satışa çıxacaq. O, ABŞ, Çin, Almaniya, Böyük Britaniya, Yaponiya, Cənubi Koreya bazarlarında satılacaq. Smartfonun həmçinin Hindistanda da satışa çıxacağı güman olunur. Cihaz bu ölkələrdəki rəsmi ASUS mağazaları vasitəsilə satılacaq. 

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Qatlana bilən Galaxy Z Fold 4 flaqman smartfonunun kameraları barəsində məlumatl..

Ice Universe ləqəbli məşhur insayder Samsung şirkətinin hələ təqdim edilməmiş yeni qatlana bilən sma..


Bloomberg: 'Apple USB Type-C girişinə sahib iPhone modellərini artıq test etməyə..

Keçən həftə məşhur analitik Ming-Chi Kuo bildirmişdi ki, Apple şirkəti gələn ilki iPhone modellərind..


Google Pixel 6a smartfonu və naqilsiz Pixel Buds Pro qulaqlıqları təqdim olunub ..

Google şirkəti I/O 2022 konfransı çərçivəsində Pixel ailəsinin yeni məhsullarını təqdim edib...


Sony orta səviyyəli Xperia 10 IV smartfonunu təqdim edib - QİYMƏTİ

Dünən Sony şirkəti Xperia 1 IV adlı yeni flaqman smartfon modelini təqdim etmişdi. İndi isə şirkət o..


Məşhur insayder qatlana bilən Galaxy Z Fold 4-ün dizaynını sərgiləyib

OnLeaks ləqəbli məşhur insayder yaxın aylarda təqdim ediləcək qatlana bilən Galaxy Z Fold 4 flaqman ..

×