Redmi brendi Çində satılan iki smartfonunu qlobal bazarda təqdim etməyə hazırlaşır

    İnsayderlərin verdikləri məlumata əsasən Xiaomi şirkəti hal hazırda yalnız Çində satılan iki smartfonunun qlobal bazarda təqdim edilməsinə hazırlaşır. Söhbət, Redmi brendinin Redmi 12 4G və Redmi 12 5G smartfonlarından gedir. İnsayderlər bildiriblər ki, sözügedən smartfonlar qlobal bazarda 7 iyul tarixində təqdim olunacaq. Redmi 12 4G barəsində məlumat olmasa da, gözləntilərə əsasən Redmi 12 5G modeli Redmi Note 12R smartfonunun qlobal versiyası olacaq. Beləliklə bu smartfon 90 Hz-lik təsvir yenilənməsinə sahib LCD ekran, Snapdragon 4 Gen 2 prosessoru, 50 MP + 2 MP ikili arxa kamera, 5 MP-lik ön kamera və 18 vatt gücündə sürətli şarj texnologiyalı 5000 mAh enerji tutumlu batareya ilə təchiz olunmalıdır.