Ortaya çıxmış yeni məlumatlara əsasən təqdim ediləcək Redmi K60 smartfon seriyasına daxil olacaq modellər fərqli kamera göstəricilərinə sahib olacaqlar. Digital Chat Station ləqəbli məşhur insayderin sözlərinə əsasən Redmi K60 modellərindən biri 64 MP-lik, digəri isə 50 MP-lik əsas arxa kameraya sahib olacaq. Bununla belə hər iki smartfon optik stabilizasiya funksiyasını əldə edəcək. Hansı modelin 64 MP-lik, hansının isə 50 MP-lik əsas arxa kamera ilə təchiz olunacağı bilinmir.

    Bir neçə müddət budan öncə insayder qeyd etmişdi ki, adi Redmi K60 modeli 48 MP-lik əsas kameraya sahib olacaq. Beləliklə burdan da belə qənaətə gəlmək olar ki, ya insayderin verdiyi yeni məlumatlar köhnə məlumatları təkzib edir, ya da müxtəlif əsas kameralar müxtəlif smartfonlarda istifadə ediləcək. Nəzərə alsaq, Redmi brendi K60 seriyası çərçivəsində adi K60 ilə yanaşı həmçinin K60 Pro və K60 Gaming modellərini təqdim edəcək, o zaman bu smartfonlarda müxtəlif əsas kameraların istifadə ehtimalı məntiqli səslənir.