Redmi K60 Ultra artıq sabah təqdim oluna bilər

    Redmi brendinin Çinin Weibo adlı sosial şəbəkəsindəki hesabında paylaşmış olduğu posterdə növbəti təqdimat tədbirinin tarixi əks olunub. Posterdəki tarixə əsasən Redmi-nin növbəti təqdimat tədbiri artıq sabah baş tutacaq. Çox güman ki, Redmi sabah Redmi K60 Ultra smartfonunu təqdim edəcək. Son məlumat sızıntılarına əsasən Redmi K60 Ultra smartfonu 144 Hz-lik təsvir yenilənməsinə sahib OLED ekran, MediaTek Dimensity 9200+ prosessoru ilə təchiz olunacaq və 120 vatt gücündə sürətli şarj texnologiyasının dəstəyinə sahib olacaq. Qeyd etmək lazımdır ki, Redmi K60 Ultra-nın qlobal bazarda Xiaomi 13T və ya Xiaomi 13T Pro adı ilə satışa çıxacağı güman edilir.