İnsayderlər Redmi K60 Ultra smartfonu barəsində yeni məlumatlar təqdim ediblər. Qeyd etmək lazımdır ki, sözügedən smartfon barəsində ilk məlumatlar hələ bir neçə müddət bundan öncə ortaya çıxmağa başlamışdı. Gözləntilərə əsasən Redmi K60 Ultra smartfonu bu ilin ikinci yarısında təqdim olunacaq. Verilmiş yeni məlumatda isə Redmi K60 Ultra-nın hansı prosessor vasitəsilə çalışacağı əks olunub. Beləliklə insayderlər bildiriblər ki, Redmi K60 Ultra smartfonu MediaTek Dimensity 9200+ prosessoru vasitəsilə çalışacaq. Qeyd etmək lazımdır ki, sözügedən prosessor gələn həftə təqdim olunacaq. Smartfon barəsində isə digər bir məlumat təqdim edilməyib. Heç istisna deyil ki, Dimensity 9200+ prosessorunun təqdimatı çərçivəsində Redmi də bu barədə nəsə bir məlumat versin.