Redmi K60 Ultra-nın nə zaman təqdim olunacağı barəsində məlumat verilib

    Son zamanlarda ortaya çıxmış məlumatlara əsasən Xiaomi-nin Redmi brendi Redmi K60 Ultra adlı flaqman smartfon üzərində çalışır. İndi isə insayderlər sözügedən smartfonun hansı prosessor vasitəsilə çalışacağı və nə zaman təqdim olunacağı barəsində məlumatlar veriblər. İnsayderlərin sözlərinə əsasən Redmi K60 Ultra smartfonu MediaTek Dimensity 9200+ prosessoru vasitəsilə çalışacaq. Qeyd etmək lazımdır ki, bu prosessor keçən həftə təqdim olunub və o, 4 nanometrlik texnoloji proses əsasında hazırlanıb.

    Bundan əlavə olaraq məlumatda qeyd edilib ki, Redmi K60 Ultra smartfonu 144 Hz-lik təsvir yenilənməsinə sahib 1.5K keyfiyyətli ekran ilə təchiz olunacaq. Çox güman ki, söhbət, OLED ekrandan gedir. Barmaq izi skanı texnologiyasının da birbaşa ekrana inteqrasiya ediləcəyi istisna deyil. Smartfonun özündə 50 MP-lik əsas arxa kameranı və 5000 mAh enerji tutumlu batareyanı birləşdirəcəyi gözlənilir. İnsayderlər bildiriblər ki, Redmi K60 Ultra iyul ayında təqdim ediləcək.