Redmi K70 Ultra-nın rəsmi fotoları təqdim edilib

     Xiaomi-nin Redmi brendi dünən Redmi K70 Ultra-nın yeni tizer posterini təqdim etdi. Tizer posterdə smartfon qaranlıq fonda əks olunsa da onun arxa panelini görmək olardı. İndi isə Redmi brendi Redmi K70 Ultra-nın arxa panelini tam aydın şəkildə sərgiləyən fotoları təqdim edib. Təqdim edilmiş fotolarda smartfon Ice Glass adlı gövdə rəngində əks olunub. Bununla yanaşı məlumata əsasən Redmi K70 Ultra-nın gövdəsi metal materialdan hazırlanacaq və onun arxa paneli şüşə örtüyə sahib olacaq.

     Fotolarda bir daha görmək olar ki, Redmi K70 Ultra-nın arxa panelində düzbucaq formalı kamera sahəsi yerləşəcək və onun daxilində 3 ədəd obyektiv ilə LED işıqlandırma olacaq. Bundan əlavə olaraq Redmi brendi bu yeni smartfonun bəzi texniki imkanlarını sərgiləyən fotonu da təqdim edib. Təqdim edilmiş fotoya əsasən smartfon 120 Hz-lik təsvir yenilənməsinə sahib 1.5K keyfiyyətli ekranı əldə edəcək və MediaTek Dimensity 9300+ prosessoru vasitəsilə çalışacaq. Redmi K70 Ultra-nın bu ay ərzində qatlana bilən Xiaomi MIX Fold 4 və MIX Flip smartfonları ilə birgə təqdim olunacağı gözlənilir.