REDMI Monitor G34WQ 2026 gaming monitoru təqdim edilib - QİYMƏTİ

     Xiaomi-nin REDMI brendi öz yeni gaming monitorunu təqdim edib. Brendin yeni gaming monitoru REDMI Monitor G34WQ 2026 adlanır. Beləliklə bu yeni monitor 180 Hz-lik təsvir yenilənməsinə sahib WQHD keyfiyyətli 34 düym ölçülü ekranla təchiz olunub. Ekranın maksimal parlaqlıq səviyyəsi 400 nit, istifadəçi əməliyyatlarına reaksiya müddəti isə 2 millisaniyə təşkil edir. Ekran 10 bit-lik rəngləri dəstəkləyir və sRGB rəng diapazonunun 100%-ni, DCI-P3 rəng diapazonunun isə 95%-ni əhatə edir. Monitor özündə AMD FreeSync Premium texnologiyasının dəstəyini birləşdirir. Monitor DisplayPort 1.4 və HDMI 2.0 girişlərini əldə edib. REDMI Monitor G34WQ 2026 artıq Çində satışa çıxıb və onun qiyməti 196$ təşkil edir. Monitorun digər regionlarda satışa çıxıb-çıxmayacağı bilinmir.