Hələ bir neçə müddət bundan öncə məlumat ortaya çıxmışdı ki, Xiaomi-nin Redmi brendi qlobal bazar üçün Redmi Note 12 4G smartfonu üzərində çalışır. İndi isə bu smartfon Geekbench bençmark saytında ortaya çıxıb. Redmi Note 12 4G Geekbench-də Xiaomi 23028RA60L model nömrəsi ilə ortaya çıxıb. Geekbench-də sözügedən smartfonun əks olunmuş məlumatları onun barəsində daha əvvəl olmuş sızıntıları təsdiqləyiblər. Beləliklə Redmi Note 12 4G modeli Snapdragon 680 prosessoru vasitəsilə çalışacaq.

    Bundan əlavə olaraq Geekbench-dəki məlumatlara əsasən smartfon 4 GB RAM ilə təchiz olunacaq və hal hazırda aktual olan Android 13 vasitəsilə çalışacaq. Smartfon Geekbench-in bir nüvəli testi çərçivəsində 422 xal, çox nüvəli testi çərçivəsində isə 1252 xal toplayıb. Smartfon barəsində başqa bir məlumat yoxdur. Lakin daha öncəki məlumat sızıntılarına əsasən Redmi Note 12 4G smartfonu 120 Hz-lik təsvir yenilənməsinə sahib 6.67 düym AMOLED ekran və 5000 mAh enerji tutumu batareya ilə təchiz olunacaq.