Redmi Note 12 4G-nin fotoları ortaya çıxıb
Cihazlar+
03.03.2023
Emil Nəcəfov
Redmi brendi Redmi Note 12 smartfon seriyasının yeni modeli üzərində çalışır. Söhbət, Redmi Note 12 4G-dən gedir. Sözügedən smartfon qlobal bazar üçün nəzərdə tutulub. İndi isə internetdə Redmi Note 12 4G-nin keyfiyyətli render fotoları ortaya çıxıb. Ortaya çıxmış render fotolardan birində görmək olar ki, smartfonun arxa kamera sahəsinin dizaynı Moto X40 flaqman smartfonunun arxa kamera dizaynına bənzəyir. Bununla belə smartfonun ön panelinin aşağı hissəsi bir qədər qalın çərçivədən ibarətdir. Son məlumatlara əsasən Redmi Note 12 4G modeli 120 Hz-lik təsvir yenilənməsinə sahib 6.67 düym AMOLED ekran ilə təchiz olunacaq və Snapdragon 6 seriyasına daxil olan prosessor vasitəsilə çalışacaq. Çox güman ki, söhbət, Snapdragon 680 prosessorundan gedir. Smartfonun nə zaman təqdim ediləcəyi barəsində dəqiq bir məlumat yoxdur. Çox güman ki, təqdimat tədbiri yaxın həftələr ərzində baş tutacaq.
Linki kopyala
Həftənin xəbərləri
Whatsapp yaxın zamanda 2 yeni funksiyanı əldə edəcək
Qutusu açılmamış birinci nəsil iPhone modeli 15 Pro Max-dan təxminən 80 qat baha qiymətə satılıb!