Redmi Note 13 Pro+ barəsində məlumatlar verilib

    Artıq məlumdur ki, Redmi brendi Redmi Note 13 smartfon seriyası üzərində çalışır və insayderlər bu seriyaya daxil olacaq modellərdən biri olan Redmi Note 13 Pro-nun bəzi texniki göstəriciləri barəsində artıq məlumat veriblər. İndi isə Digital Chat Station ləqəbli məşhur insayder Redmi Note 13 Pro+ modeli barəsində məlumatları təqdim edib. Təqdim edilmiş məlumatlarda smartfonun hansı prosessor vasitəsilə çalışacağı və hansı həcmdə batareyaya sahib olacağı əks olunub. Beləliklə insayderin sözlərinə əsasən Redmi Note 13 Pro+ modeli MediaTek Dimensity 7200 prosessoru vasitəsilə çalışacaq. O özündə 5500 mAh enerji tutumlu batareyanı birləşdirəcək. Bununla yanaşı smartfon 120 vatt gücündə sürətli şarj texnologiyasının dəstəyinə sahib olacaq.