main-post-cover

    Redmi Note 13 Pro+ smartfonunun özəlliklərindən biri məlum olub

    Cihazlar+
    19.09.2023
    Farid Pardashunas
        Xiaomi şirkəti Redmi Note 13 smartfon seriyası barəsində məlumatları təqdim etməyə davam edir. Bu dəfə şirkət bu seriyaya daxil olacaq Redmi Note 13 Pro+ modelinin sahib olacağı vacib özəlliklərdən birini açıqlayıb. Söhbət, smartfon gövdəsinin sudan qorunma özəlliyindən gedir. Şirkətin təqdim etmiş olduğu posterə əsasən Redmi Note 13 Pro+ smartfonunun gövdəsi IP68 standartı üzrə sudan qorunma özəlliyinə sahib olacaq.
        Bu isə o deməkdir ki, smartfon 30 dəqiqə ərzində 1.5 metr su dərinliyinə tab gətirə biləcək. Digər texniki göstəricilərə gəldikdə isə smartfonun 1.5K keyfiyyətli 6.67 düym OLED ekran, MediaTek Dimensity 7200 Ultra prosessoru, 200 MP + 8 MP + 2 MP üçlü arxa kamera və 120 vatt gücündə sürətli şarj texnologiyalı 4800 mAh enerji tutumlu batareya ilə təchiz olunacağı gözlənilir. Qeyd etmək lazımdır ki, Redmi Note 13 smartfon seriyası 21 sentyabr tarixində təqdim olunacaq.
    Linki kopyala

    Bənzər xəbərlər

    Oxşar xəbərlər