Xiaomi-nin Redmi brendi artıq yaxın zamanda Redmi Note 13 smartfon seriyasını təqdim etməlidir. İnsayderlər isə sözügedən seriyaya daxil olacaq Redmi Note 13 Pro+ modelinin texniki göstəriciləri mövzusunda növbəti məlumatları təqdim ediblər. Beləliklə insayderlər tərəfindən təqdim edilmiş məlumatlara əsasən Redmi Note 13 Pro+ smartfonu 1.5K keyfiyyətli 6.67 düym OLED ekran ilə təchiz olunacaq.

    Ekran üstəlik Gorilla Glass Victus qoruyucu şüşəsi ilə əhatə olunacaq. Smartfon MediaTek Dimensity 7200 Ultra prosessoru vasitəsilə çalışacaq və özündə 18 GB-a kimi RAM-ı, 1 TB-a kimi daxili yaddaş həcmini və 120 vatt gücündə sürətli şarj texnologiyalı 4880 mAh enerji tutumlu batareyanı birləşdirəcək. Kameralara gəldikdə isə smartfon 200 MP + 8 MP + 2 MP üçlü arxa kameraya və 16 MP-lik ön kameraya sahib olacaq.